AÐGENGI

Grasagarðurinn er lifandi safn undir berum himni. Í garðinum eru varðveittar um 5000 tegundir plantna í 9 safndeildum. Plöntusöfnin gefa hugmynd um fjölbreytni gróðurs í tempraða beltinu nyrðra. Allar plöntur í garðinum eru merktar með spjöldum með íslensku og latnesku tegundar- og ættarheiti, jafnframt því sem heimkynna þeirra er getið. Hlutverk grasagarða er að varðveita plöntutegundir og efla skilning á mikilvægi gróðurs með fræðslu og rannsóknum. Grasagarðurinn tekur þátt í varðveislu plantna sem eru á válista og stuðlar þannig að líffræðilegri fjölbreytni gróðurs í heiminum. Aðgangur ókeypis. Verið velkomin í Grasagarðinn.